मधुसुधन तिमल्सिना
काभ्रे, चैत ४ गते । नेपाल बिद्यार्थी संघ काभ्रेले सामुदायिक बिद्यालयका बिद्यार्थीलाई मास्क बाँडेको छ ।
विश्वभर फैलिएको कोराना भाइरसबाट सुरक्षित हुन नेपाल बिद्यार्थी संघ काभ्रेले एक हजार ५५० मास्क बिद्यार्थीलाई बाँडेको हो । नेपाल बिद्यार्थी संघ काभ्रेका अध्यक्ष नृपेश बादेले आजाद माध्यमिक बिद्यालयमा तीन सय, शिक्षासदन माध्यमिक बिद्यालयमा चार सय, हिमालय माध्यमिक बिद्यालयमा ३५० र चैतन्य माध्यमिक बिद्यालयमा चार सय बिद्यार्थीलाई सर्जिकल मास्क बाँडेको जानकारी दिनुभयो । उहाँले मंगलबार काभ्रे बहिरा बिद्यालयमा एक सय वटा मास्क बाँडेको जानकारी दिनुभयो । हामी जिल्लाभरका सामुदायिक बिद्यालयका बिद्यार्थीलाई मास्क बाँड्ने अभियानमा छौँ । तर पाइरहेका छैनौँ । उहाँले एउटा मास्कको पाँच रुपियाँमा किनेको बताउनुभयो ।
