गोरखापत्र अनलाइन
काठमाडौं, मङ्सिर २२ गते ।
कालो कालो आँखा तिम्रो साह्रै मन प¥यो
रातो रातो गाला तिम्रो चुम्न मन लाग्यो ।
यस्तै शब्दहरुले सजिएको एनएस ११३४ ब्याण्डको गीत “माया लाउन” लोकप्रिय गायक दीपक बज्राचार्यले सार्वजनिक गर्नुभएको छ । ब्याण्डका गायक सूजन शाक्यको शब्द र लयमा निर्मित यो गीतको म्यूजिक भिडियो भने रिक्की शाक्यले निर्देशन गर्नु भएको छ । मनोज भेलेको छायाँकन रहेको यस म्यूजिक भिडियोमा अमोघवीर बज्राचार्य र एनी शाक्य लगायतको अभिनय रहेको छ । फिरोज बज्राचार्यको संगीत संयोजनमा तयार भएको गीत ज्योति रेकर्डस्मा रेकर्ड गरिएको छ ।
छैठौं प्रस्तुतिका रुपमा “माया लाउन” सार्वजनिक गरेको ब्याण्डले यस अघि साथ, फेसबुक, भिरको खोलो लगायतका गीतहरु बजारमा ल्याइसकेको छ ।
ब्याण्डमा गायक सुजन शाक्यका साथमा ड्रममा उर्जल शाक्य, बेस गिटारिष्ट मिनेष शाक्य, लिड गिटारिष्ट आषिश शाक्य र मादल वादनमा उत्सव बज्राचार्य रहनु भएको छ
