गोरखापत्र समाचारदाता
काठमाडाैँ, साउन ३२ गते । गायक सुगम पोखरेलले आफ्नो बुवाको सम्झनामा बुवा...हजुरको याद आउँछ... बोलको गीत दर्शकमाझ ल्याउनुभएको छ । सामाजिक सञ्जालमा गीत सार्वजनिक गर्दै पोखरेलले भन्नुभयो, 'बुवाको निधन हुनुअघि ‘बुवा’ बोलको गीतको तयारी गरिरहेकाे थिएँ ।' उक्त गीत आफ्ना पितालाई सुनाउने इच्छा थियो । गीत बुवा र छोरा सम्बन्धमा आधारित थियो । तर गीत तयार हुनुअघि नै उहाँले संसार छोड्नुभयो । पिताले नसुनेरै गए पनि आफ्ना पितासहित समस्त बुवालाई गीत समर्पित गरिएको पोखरेलले बताउनुभयो ।
नजिकिँदै गरेको कुशे औँशी (बुबाको मुख हेर्ने दिन) को सन्दर्भमा सम्पूर्ण बुबालाई सम्झेर उहाँले यो गीत सार्वजनिक गर्नुभएको हो । आफ्नै रचना तथा सङ्गीत रहेको गीतमा सङ्गीत संयोजन सुजिल कर्माचार्यले गर्नुभएको छ ।
२०८१ मंसिर ९ आईतवार
