गाेरखापत्र अनलाइन
काठमाडौं, चैत १५ गते । तुल्सी मिडियाको आयोजनामा हुन लागेको नेपाल बेष्ट म्युजिक अवार्ड–२०२१ को उत्कृष्ट पाँच मनोनयन सार्वजनिक गरिएको छ।
तुल्सी मिडियाका अध्यक्ष नवराज भण्डारीले आगामी वैशाख पहिलो साता अवार्डको भव्य समारोह राजधानीमा गरिने बताउनुभएकाे छ ।
अवार्डको ३५ वटा विधाको उत्कृष्ट पाँच मनोनयन सार्वजनिक गरिएको छ। पल,पुष्प,आकाश,नाजिर र सुधिरबीच कडा प्रतिस्पर्धा हुनेछ ।
पपुलर तर्फका सबै विधामा प्रत्यक्ष भोटिङ समेत हुने तुल्सी मिडियाले जनाएको छ । यस्तै, दुई दशक भन्दा लामो समय संगीतमा बिताएका एक श्रष्टालाई नगदसहित लाईफटाईम एचिभमेन्ट अवार्ड सम्मान गरिने पनि आयोजकले जनाएको छ ।
