काठमाडौं, कात्तिक ९ गते । इन्टर्नेसनल डान्स एकेडेमी एण्ड फिल्मस् प्रा.लीद्वारा कार्तिक २५ गते, बिहीबारदेखि डान्स रियालिटी सो डान्स च्याम्पियन प्रशारण गर्ने भएको छ । नेपालकै सबैभन्दा ठूलो डान्स रियालिटि सो डान्स च्याम्पियन नियमित उत्पादन टेलिभिजनमा प्रसारण गर्ने भएको आज राजधानीमा आयोजित पत्रकार सम्मेलनमा जानकारी गराइयो ।
नेपाली नृत्य र कलाकारीतालाई अझै शिखरमा पुर्याउन डान्स च्याम्पियन मेगा–शो नियमित प्रसारण गर्नेे छ ।उक्त मेगा–शो प्रत्येक बिहिबार र शुक्रबार, हप्ताको २ दिन, बेलुकी ९ः०० बजे कान्तिपुर टेलिभिजनबाट प्रसारण गरिने छ ।
डान्स च्याम्पियनका निर्णायकहरुमा नायिका निरुता सिंह, कोरियोग्राफर जगत रावल र डान्सर आस्मा विश्वकर्मा रहनु भएको छ । डान्स च्याम्पियन कार्यक्रमको प्रस्तोताको रुपमा उमेश राइ (फुलन्देकी आमा) र निशान्त कटुवाल रहनु भएको छ । उक्त कार्यक्रमका निर्देशक गजित बिष्ट हुनुहुन्छ । कुल २५ लाख रुपैयाँ धनराशी पुरस्कार रहेको सो कार्यक्रम ३४ भागको हुनेछ ।
