काठमाडौं, कात्तिक १७ गते । राजेश हमालको स्वरमा रहेको गीत ‘मन बुढो भएन’को भिडिओ बुधवार राजधानीमा एक कार्यक्रम सार्वजनिक गरिएको छ । बु यो गीत नै हमालले गाएको पहिलो अफिसियल गीत हो भने गीतमा दीपक शर्माको शब्द तथा संगीत रहेको छ ।
गीतमा हमालको साथमा गायक सुवास पुरी तथा गायिकाद्वय एलिना चौहान र बेनिशा पौडेलको स्वर रहेको छ । देवेन्द्र पाण्डेले निर्देशन गरेको साे गीतको भिडिओमा हमालसँग रेश्मा घिमिरेले अभिनय गर्नु भएकाे छ । उत्सव दाहालले छायाङ्कन गरेको भिडिओलाई विकास दाहालले सम्पादन गर्नु भएकाे थियाे ।
चलचित्र करिअरको तीन दशकपछि हमालले गीत गाउनु भएकाे हाे । केहि चलचित्रहरुका गीतमा आवाज दिएको भए तापनि सुरमा रहेर गाएको यो नै पहिलो भएको हमालले बताउनुभयाे । संगीतकार दीपक शर्माले दिएको हौसलाले आफूले यो गीत गाउन सफल रहेको बताउनुभयाे ।
‘विद्यालयमा संगीतको कक्षा हुँदा म अगाडिको सिटमा बस्थें । त्यो बेला सर, मिसहरुले मलाई गीत गाउनका लागि भन्नुहुन्थ्यो र म गीत गाउँथे । मैले कक्षा ५, ६ मा पढ्दा राम्रै गीत गाउँथे । तर त्यसपछि के कारणले हो गीत गाउनै सकिएन’, उहाँले बताउनुभयाे । कु
