काठमाडौँ, मङ्सिर २१ गते । संगीतकार येदिन गजमेरको नयाँ गीत यादहरूमाको भिडियो सार्वजनिक भएको छ । गायक प्रमोद खरेलको स्वरमा सजिएको प्रेम, रोमान्स र विरहले भरिएको यादहरूमाको भिडियो सार्वजनिक भएको हो।
अमेरिकामा बस्दै आएका संगीतकार येदिनले यादहरूमाको भिडियो बजारमा ल्याउनुभएको हो ।
गीतमा प्रेममा परेका एक जोडीको कहानी, प्रेमका रमाइला क्षण र बिछोडपछिको विरहका दृश्यलाई कैद गरिएको छ । गीतमा मोडलद्वय रमेश दियाली र साक्षी लम्साल खुल्नुभएको छ । सञ्जीव बराइलीको एरेन्ज रहेको गीतमा निशाल पौडेलले छायाङ्कन गर्नुभएको हो ।
विकाश दाहालले सम्पादन गरेको भिडियोको निर्देशन युवराज वाइवाले गर्नुभएको हो ।
