काठमाडौं मङ्सिर २३ गते । लेडिज ब्यान्ड भ्यालेन्सियाको 'छोरी' गीत सार्वजनिक भएको छ । लेडिज ब्यान्ड भ्यालेन्सियाको यस गीतले छोरीको मर्म र कर्मलाई बुझाएको छ । गीतले छोरीहरूको आवाजलाई बाहिर निकाल्न हौसला दिएको छ ।
बाबुराम राईको शब्द रचना रहेको गीतमा कल्यान सिंहले संगीत भर्नुभएको छ । नभ ढुङ्गेलको निर्देशन र अमृत सुनुवारको छायाङ्कनमा बनेको भिडियोलाई प्रवीण श्रेष्ठले सम्पादन गर्नुभएको हो।
मोक्षमा भिडियोको पोस्टप्रोडक्सन भएको हो । भिडियोमा भ्यालेन्सिया ब्यान्डका टिएम केसि, पूजा परियार, खुस्बु राणा मगर, दिपा चौधरी र एन्जिला चौधरी हुनुहुन्छ । सार्वजनिक भिडियोलाई टिम भ्यालेन्सियाकै आधिकारिक युट्युब च्यानलबाट हेर्न सकिन्छ ।
भिडियोमा सम्मान स्वरुप देशका केही वरिष्ठ महिला ब्यक्तित्वहरुलाई पनि देखाइएको छ । अनुराधा कोइराला, हिमानी शाह, शृङ्खला खतिवडा, पुष्पा बस्नेत, गौरिका सिंह,अस्मिता आले, मिरा राई, ममता स्थापित, रक्षा राणा, शिरिशा महर्जन र सपना मल्ललाई देख्न सकिन्छ ।
