काठमाडौं, मङ्सिर २८ गते । अयान मुखर्जीले बुधबार 'ब्रह्मास्त्र' को मोसन पोस्टर रिलिज गर्ने बताउनुभएकाे छ । यसअघि एउटा अनाउंसमेन्ट भिडियो शेयर गरिएको थियो, जसमा रणवीर कपूर देखिनुभएकाे छ । फिल्ममा उहाँको नाम शिव हो, त्यसैले यो लुकमा उहाँको हातबाट आगो निस्किरहेको देखिन्छ ।
अयानले सेयर गर्नुभएकाे भिडियोमा अमिताभ बच्चनको आवाज रहेको छ । उहाँले ब्रह्मास्त्रको बारेमा बताइरहनु भएकाे छ ।
फिल्ममा आलिया भट्ट, मौनी रोये डिम्पल कपाडिया र नागार्जुन पनि महत्वपूर्ण भूमिकामा देखिनेछन् । शाहरुखको पनि क्यामियो हुनेछ । तर, फिल्मको रिलिज मिति भने घोषणा गरिएको छैन ।
