काठमाडौं, पुष ५ गते । 'बजरंगी भाइजान' को सिक्वेल आउने भएको छ । अभिनेता सलमान खान हालै साउथका चर्चित निर्देशक एसएस राजामौलीको आगामी फिल्म 'आरआरआर' को प्रि-रिलिज प्रमोशनल कार्यक्रममा पुग्नुभएको थियो । यस कार्यक्रममा उहाँले आफ्नो २०१५ को हिट फिल्म 'बजरंगी भाइजान' को सिक्वेलको घोषणा गर्नुभएको हो ।
'बजरंगी भाइजान-२' एसएस राजामौलीका पिता केभीको कथामा आधारित छ । 'बजरंगी भाइजान' को कथा विजयेन्द्र प्रसादले लेख्नुभएको थियो भने फिल्मलाई कबिर खानले निर्देशन गर्नुभएको थियो ।
'बजरंगी भाइजान'मा सलमान बाहेक करिना कपुर र नवाजुद्दीन सिद्दीकी पनि मुख्य भूमिकामा देखिनुभएका थिए ।
