काठमाडौं, पुस ९ गते । बलिउड अभिनेत्री सुस्मिता सेनको फेरि ब्रेकअप भएकाे छ । इन्स्टाग्रामबाट सुरु भएको रोहमन शाल र सुस्मिता सेनको प्रेमकथाको अन्त्य भएको छ । दुबै पछिल्लो दुई वर्षदेखि प्रेम सम्बन्धमा हुनुहुन्थ्यो ।
बिहीबार सामाजिक सञ्जालमा तस्बिर पोष्ट गर्दै सुस्मिताले लेख्नुभएको छ, 'हामी साथी भएर सुरु गर्यौं, साथी नै रहन्छाै!! सम्बन्ध धेरै पुरानो भइसकेको थियो...माया बाँकी छ ।'
रोहमन र सुस्मिताको उमेरमा १५ वर्षको अन्तर छ । सुस्मिता ४६ वर्षकी हुनुभयो । योसँगै रोहमन ३० वर्षको हुनुहुन्छ । दुबै जना 'लिभइन रिलेसनसिप' मा बस्दै आउनुभएकाे थियाे ।
यसअघि पनि सुस्मिताको प्रेम सम्बन्ध टुटेको खबर धेरै आइसकेको छ । निर्देशक विक्रम भट्ट, अभिनेता रणदीप हुड्डा, पूर्व पाकिस्तानी क्रिकेटर वसीम अकरम, ऋतिक भासिन र निर्देशक मुद्यसर अजीजसँग अभिनेत्री सुस्मिताकाे प्रेम सम्बन्ध चलेकाे थियाे ।
