काठमाडौं, पुष १४ गते । साउथका सुपरस्टार विजय देवरकोंडा र अनन्या पाण्डे अभिनित फिल्म 'लिगरःसाला क्रसब्रीड' को टिजर सार्वजनिक भएको छ । यस टिजरमा फिल्मको पहिलो झलक ३१ डिसेम्बरमा रिलिज हुने बताइएको छ ।
'लाइगर' २५ अगस्तमा हिन्दी, तेलुगु, तामिल, मलायालम र कन्नड गरी ६ वटा भाषामा रिलिज हुनेछ ।
धर्मा प्रोडक्सन र पुरी कनेक्ट्सको ब्यानरमा निर्माण भएको लिगरलाई पुरी जगन्नाथले निर्देशन गर्नुभएको हो । फिल्मलाई करण जोहर, चार्मी कौर, पुरी जगन्नाथ र अपूर्व मेहताले निमार्ण गर्नुभएको छ ।
फिल्ममा विजय र अनन्याका अलावा रम्या कृष्णन, विशु रेड्डी, रोनित रोय, मकरन्द देशपांडे, आली र गेटअप श्रीनुको पनि मुख्य भूमिका छ । लिजेण्डरी बक्सिङ च्याम्पियन माइक टाइसन पनि फिल्ममा केमियो रोलमा देखिनेछन् ।
