काठमाडौं, पुस २० गते । चलचित्र 'प्रेमगीत ३' को रिलिज मिति पोस्टपोन्ड गरिएको छ । फिल्म फागुन १३ गते प्रदर्शनमा आउने भनिएको थियो । यो वर्षकै सर्वाधिक प्रतीक्षा गरिएको सन्तोष सेन र छेतन गुरुङ निर्देशित चलचित्र ओमिक्रोनका कारण पछि सारिएको हो ।
निर्माता तथा निर्देशक सन्तोष सेनका अनुसार कोरोनाका कारण भारतमा सिनेमा हलहरु बन्द हुन थालेपछि भारतीय बजारका वितरकहरुको सल्लाह अनुसार चलचित्रलाई पोष्टपोन्ड गरिएको हो ।
च्लचित्रको मिति अनिश्चितकालका लागि सारिएको उल्लेख गर्दै सन्तोषले आफूहरु नआत्तिकन यो अप्ठ्यारो परिस्थितिवाई मध्यनजर गर्दै गहकिलो प्रस्तावलाई स्विकार गरेको बताउनुभयो ।
प्रदीप खड्का, कृष्टिना गुरुङ, शिव श्रेष्ठ र सुनिल थापा अभिनित यो चलचित्रको प्रदर्शन मिति यसअघि २०७६ चैत २८ गतेलाई तोकिएको थियो । तर, लकडाउन भएपछि रिलिज हुन सकेन ।
