काठमाडौं, पुस २६ गते । चर्चित डान्स रियालिटी शो 'इन्डियाज बेस्ट डान्सर सिजन २' की सौम्या काम्बले यस सिजनको विजेता हुनुभएको छ । उपहार स्वरुप उहाँले ट्रफी, १५ लाखको चेक र स्विफ्ट कार पाउनुभएको छ ।
योसँगै उहाँको कोरियोग्राफर वर्तिका झालाई पाँच लाख रुपैयाँको चेकले सम्मान गरिएको छ । मनीष पलद्वारा होस्ट गरिएको शोमा टेरेन्स लुइस, गीता कपूर र मलाइका अरोरा निर्णायक हनुहुन्छ ।
यस्तै, शोको फाइनलमा 'इन्डियाज गट ट्यालेन्ट' का निर्णायक शिल्पा शेट्टी, बादशाह र मनोज मुन्ताशिरको सहभागीता थियो ।
