काठमाडौं, पुस २९ गते । नेपाली चलचित्र क्षेत्रका अभिनेता विपिन कार्की बलिउड फिल्ममा काम गर्ने भएका छन् । हिन्दी चलचित्र 'एनिमल' बाट उहाँले बलिउड यात्रा गर्न लाग्नुभएकाे हाे ।
यो चलचित्रका लागि निर्माण टिमले अगष्टमा विपिनलाई मुम्बई बोलाएको छ । उहाँ चलचित्रमा भारतीय अभिनेता अनिल कपूरसँग देखिनुहुनेछन् । उहाँलाई केही दिनअघि चलचित्रका निर्देशक सन्दीपका भाइ प्रणय रेड्डीले फोन गरेर चलचित्रका लागि प्रस्ताव गर्नुभएको थियो । निर्माण टिमले विपिनको 'सेल्फी किङ' हेरेर प्रभावित भएपछि सो फिल्म अफर गरेको बताउनुभएकाे छ ।
सन्दीपसँग विपिनलाई जोड्ने काम भने 'सेल्फी किङ्ग' का निर्देशक विशाल सापकोटाले गर्नुभएकाे हाे । 'अर्जुन रेड्डी' को हिन्दी भर्सन ‘कबीर सिंह’को निर्देशन गर्नुभएका सन्दिप रेड्डी भांगाले निर्देशन रहेकाे यो फिल्ममा रनवीर कपुर, अनिल कपुर, बबि देओल र परिनीति चोपडाले अभिनय छ ।
रनविर सँग फिल्म खेल्ने विपिन दोस्रो कलाकार हुन् । यसअघि फिल्म 'बर्फी' मा भोला सापकोटाले सँगै अभिनय गर्नुभएकाे थियाे ।
