काठमाडौं माघ २ गते । गायक तथा सङ्गीतकार अङ्कितबाबु अधिकारीको 'कफी क्रस' बोलको गीत सार्वजनिक भएको छ । 'ए–सिरिज' नामक च्यानलबाट सार्वजनिक गरिएको गीतको भिडियो निर्देशन नवीन भट्टले तथा छायाङ्कन अनिश स्याङ्देनले गर्नुभएको हो ।
प्रेमिल शैलीको उक्त गीतमा अधिकारीको स्वर, शब्द र सङ्गीत रहेको छ । गीतलाई भारतको पश्चिम बङ्गालका उत्कृष्ट सङ्गीतकार सुमित विश्वकर्माले संयोजन गर्नुभएको हो ।
भिडियोमा गायक प्रताप दास र प्रियाना आचार्य 'मुन्नी'को अभिनय छ ।
अङ्कितबाबुका चर्चित गीतमा 'के माया लाग्छ र', 'राम नाम', 'सम्झनालाई', 'याक्थुङ्मा कान्छी' र 'विनायो भाकैले' लगायत छन् ।
