काठमाडौं, माघ २ गते । गायक तथा संगीतकार अनुप रेग्मीको नयाँ गीत 'पन्चेबाजा बजाउँदै' बोलको भिडियो सार्वजनिक भएको छ । जुनी गजमेरले निर्माण गर्नुभएको यो भिडियो 'रिदिन इन्टरटेनमेन्ट' मार्फत सार्वजनिक गरिएकाे हाे ।
भिडियोमा गीतकार तथा संगीतकार येदीन गजमेरको शब्द तथा संगीत रहेको छ । विवाहको माहोल सुरु भए लगत्तै बजारमा ल्याइएको गीतले दर्शक श्रेताको मन छुनेमा आफू विश्वस्त रहेको गीतकार तथा संगीतकार येदीनले बताउनुभयो ।
गीतमा पछिल्लो पुस्ताका चर्चित मोडल सुधीर श्रेष्ठ र करिश्मा ढकालको अभिनय देख्न सकिन्छ ।
भिडियोको निर्देशन पनि गायक रेग्मीले नै गर्नुभएको हो । पुष्कर सुनुवारले एरेन्ज गर्नुभएको यो गीतमा केशवराज भट्टको कोरियोग्राफी रहेको छ ।
बुद्ध थापाको छायांकन रहेको भिडियोको सम्पादन विकाश दाहालले गर्नुभएको हो ।
