काठमाडौं, माघ ११ गते । गायिका रचना रिमालको नयाँ गीत 'उड्ने रहर' बोलको गीत उहाँको आफ्नै 'रचना रिमाल' युट्युब च्यानलमार्फत सार्वजनिक गरिएको हो । उहाँकै अभिनय रहेको भिडियोले रिलिज गरिएको छोटो समयमा नै निकै चर्चा पाएको छ ।
किरण पल्पसाको शब्द, नगेन्द्र श्रेष्ठको संगीत, राहुल प्रधानको एरेन्ज रहेको गीतमा रचनाको एकल गायन छ । गायिका रचना स्वयं फिचरिङ भिडियोमा मिराज अर्यालको छायांकन, निर्देशन एवं सम्पादन छ । शुक्रबार सार्वजनिक गीतको भिडियोलाई आईतबारसम्म युट्युबमा एक लाख ३३ हजार सात सय २० जनाले हेरिसक्नुभएको छ ।
रचनाले यसअघि आफ्नो युट्युब च्यानलमार्फत ‘हारले निखार ल्याउँछ मेरो जिन्दगी’ बोलको गीत सार्वजनिक गर्नुभएको थियो ।
