काठमाडौं, माघ १९ गते । एसएस राजामौलीको निर्देशनमा बनेकाे फिल्म 'आरआरआर'ले नयाँ प्रदर्शन मिति सार्वजनिक गरेको छ । कोरोनाका कारण रोकिएको यो फिल्म मार्च २५ मा रिलिज हुने भएको छ ।
यसअघि सन् २०२२ जनवरी ७ लाई प्रदर्शन मिति तोकिएको थियो । कोरोनाको तेस्रो लहर फैलिएपछि धेरै चलचित्रले प्रदर्शन मिति सारेका छन्।
यो फिल्ममा जुनियर एनटीआर, रामचरण, अजय देवगण, आलिया भट्टलगायतका कलाकारले अभिनय गरेका छन् । यो फिल्म हिन्दी, तामिल, तेलुगू, मलयालम र कन्नडा भाषामा पनि रिलिज हुँदैछ ।
