काठमाडौं, माघ २० गते । भारतीय चलचित्र र टेलिभिजन अभिनेता रमेश देओको ९३ वर्षको उमेरमा निधन भएको छ । अभिनेताले मृत्युको तीन दिन अघि आफ्नो ९३ औं जन्मदिन मनाउनुभएको हो ।
रमेशले फिल्म आरतीबाट आफ्नो करियर सुरु गर्नुभएको थियो । उहाँले बलिउडसँगै मराठी फिल्म उद्योगमा पनि काम गरिसक्नुभएकाे छ । रमेश महाराष्ट्रको कोल्हापुरका बासिन्दा थिए । उहाँको विवाह अभिनेत्री सीमा देओसँग भएको थियो ।
उहाँले आफ्नो लामो करियरमा दुई सय ८५ भन्दा बढी हिन्दी चलचित्र, एक सय ९० मराठी चलचित्र र ३० वटा मराठी नाटकमा काम गर्नुभएको छ । उहाँले फिचर फिल्महरू, टेलिभिजन सिरियलहरू र दुई सय ५० भन्दा बढी विज्ञापनमा देखिनुभएकाे थियाे ।
