काठमाडौं, माघ २२ गते । आलिया भट्ट, अजय देवगन अभिनित फिल्म 'गंगुबाई काठियावाडी'को धमाकेदार ट्रेलर रिलिज भएको छ । ट्रेलरमा कामाठीपुरामा हुर्किएकी गंगुबाईको कथा एक साधारण महिलादेखि माफिया रानीसम्म देखाइएको छ ।
फिल्मको ट्रेलर रिलिजको बारेमा जानकारी दिँदै मुख्य अभिनेत्री आलिया भट्टले 'गंगुबाई जिन्दावाद' लेख्नुभएको छ । सञ्जयलाली भन्साली निर्देशित यस फिल्मको ट्रेलरमा आलियाको दमदार भूमिका छ ।
फिल्म यसअघि ८ जनवरीमा रिलिज हुने तय भएपनि कोभिडको तेस्रो लहरका कारण अब २५ फेब्रुअरीमा हलमा रिलिज हुँदैछ ।
