काठमाडौं, फागुन ३ गते । आमिर खानको फिल्म 'लाल सिंह चड्डा'को रिलिज मिति सरेको छ । फिल्म ११ अगस्ट २०२२ मा सिनेमाघरहरूमा रिलिज हुने भएको छ ।
निर्माताले सामाजिक सञ्जालमार्फत यसको जानकारी दिनुभएको हो । उहाँले लेख्नुभएको छ, 'हामी लाल सिंह चड्डा १४ अप्रिलको सट्टा ११ अगस्टमा रिलिज हुने घोषणा गर्दैछौँ । हाम्रो फिल्म अझै तयार नभएकाले हामीले यो निर्णय गरेका हौँ ।'
यस फिल्ममा आमिरसँगै करिना कपुर खान र नागा चैतन्य पनि देखिनेछन् ।
