काठमाडौं, फागुन १६ गते । बलिउड अभिनेत्री कंगना रणावतको बहुप्रतिक्षित एक्सन फिल्म 'धाकड'को प्रदर्शन मिति घोषणा गरिएको छ । अभिनेत्री रणावत आफैंले सामाजिक सञ्जालमार्फत फिल्म २७ मेमा प्रदर्शन हुने घोषणा गर्नुभएको हो ।
उहाँले लेख्नुभएको छ, 'एजेन्ट अग्निको बल जसलाई कसैले रोक्न सक्दैन’ तिब्र गतिमा आउँदैछ । एक्शन र स्पाइ थ्रिलर धाकडले हिन्दी, तमिल, तेलुगु र मलायालम चार भाषामा मे २७ मा थिएटरमा आगो लगाउनेछ ।
फिल्ममा कंगना ‘एजेन्ट अग्नि’को भूमिकामा देखिनुहुनेछन् । फिल्म एक्सन विद्यामा आधारित जासुसी र द्वन्द्वात्मक कथाले भरिएको छ ।
यसअघि अप्रिल ८ मा प्रदर्शन हुने भनिएको फिल्मको कोरोना महामारीका कारण प्रदर्शन स्थगित भएको थियो । रजनीश राजी घाइले निर्देशन गर्नुभएको फिल्ममा कंगनासँगै अर्जुन रामपाल र दिव्या दत्त पनि फिल्मको मुख्य भूमिकामा छन् ।
