काठमाडौं, चैत्र १ गते । बलिउड अभिनेत्री आलिया भट्टले आफ्नो २९औं जन्मदिन मनाइरहनुभएको छ । यही अवसरमा उहाँको आगामी फिल्म 'ब्रह्मास्त्र'को फस्ट लुक सार्वजनिक गरिएको हो ।
फिल्ममा आलियाले इशाको भूमिका निर्वाह गर्नुभएको छ । फिल्मका निर्माता करण जोहरले आलियाको फस्ट लुक सार्वजनिक गर्दै जन्मदिनको शुभकामना दिनुभएको हो ।
फिल्मलाई पाँच वटा भाषामा सार्वजनिक गरिने बताइएको छ । सेप्टेम्बर ९ मा सार्वजनिक हुने फिल्ममा आलियासँगै रणवीर कपुर, अमिताभ बच्चन, नागर्जुन, मोनी राय, साहरुख खानलगायतको अभिनय देख्न सकिन्छ ।
