गोरखापत्र अनलाइन
काठमाडौ, पुस १७ गते । बाजुरा जिल्लाको हिमाली गाउँपालिकाको केन्द्र धुलाचौरबाट कोल्टी जाँदै गरेको से १ च १०६४ नम्बरकाे जीप कर्णाली नदीमा खस्दा चार जनाको घटनास्थल मै मृत्यु भएको छ ।
सो दुर्घटनामा एक जना वेपत्ता भएका छन् भने चार जना घाइते भएको जिल्ला प्रहरी कार्यालय बाजुराका प्रहरी जवान मोहन कुँबरले जानकारी दिनुभयो । मृत्यु हुनेहरूमा हिमाली गाउँपालिका ६ का ३५ वर्षीय पवन भणडारी, जगन्नाथ गाउँपालिकाका २७ वर्षीय रमेश शाही, कैलाली ५ का ३३ वर्षीया दिनेशकुमार घर्ती र एक जनाका सनाखत हुन बाँकी रहकेा प्रहरीले जनाएकाे छ ।
दुर्घटनामा नदीमा परी वेपत्ता हुनेमा स्वामी कार्तिका गाउँपालिका ४ की १३ वर्षीया सुशीला विक हुनुहुन्छ ।
