कतारको कारागारमा रहेका आठ नेपालीले पाए आममाफी

कतारको कारागारमा रहेका ८ नेपालीले आममाफी पाएका छन् । विभिन्न अभियोगमा सजाय भोगिरहेका नेपालीलाई रमादानको अवसर पारेर आममाफी दिइएको हो ।  कतारका राजा शेख तमिम बिन हमाद अल थानीले बन्दी जीवन बिताइरहेका आठ नेपालीलाई रमादानको अवसर पारेर आममाफी दिनुभएको कतारस्थित नेपाली राजदुतावासले जनाएको छ ।

काेशी अस्पतालबाट काेराेना निकाे भएका थप एक जना डिस्चार्ज

विराटनगर, जेठ ५ गते । कोशी अस्पतालकाे कोभिड-१९ उपचार केन्द्रमा उपचाररत एक काेराेना सङ्क्रमित डिस्चार्ज हुनुभएकाे छ । झापा दमक -३ का ६२ वर्षीय देउमान मङ्ग्राती डिस्चार्ज हुनुभएकाे अस्पतालले जनाएकाे छ । अस्पताल भर्ना भएको २५ दिनपछि उनलाई डिस्चार्ज गरिएको जनाइएकाे छ ।

वीरगञ्ज महानगरको एकै वडामा ४० सँगै पर्सा जिल्लामा ९१ सङ्क्रमित पुग्याे

पर्सा जिल्लाको वीरगञ्ज महानगरपालिकाको एउटा वडामा ४० जना सङ्क्रमितसहित पर्सा जिल्लामा सङ्क्रमितको सङ्ख्या ९१ पुगेको छ । चैत २९ गते ३ जनामा सङ्क्रमण देखिएसगै सङ्क्रमितहरू भेटिन थालेको पर्सा जिल्लामा ३६ दिनको अन्तरालमा सङ्क्रमितको सङ्ख्या बढेर ९१ पुगेको हो । वीरगञ्जको छपकैयामा रहेको जामे मस्जिदमा बसेका ३ जना भारतीय नागरिकसँगै भित्रिएको कोरोना भाईरसको सङ्क्रमण फेला परेको ३६ दिन मै बढेर ९१ जनामा पुगेको हो । ती तीन...

बाँकेमा आइसोलेसनका दुईसय बेड थप्ने निर्णय, क्वारेन्टाइन थप व्यवस्थित गरिने

बाँके जिल्लामा भारतबाट फर्किनेको सङ्ख्यासँगै कोरोना सङ्क्रमितसमेत बढ्न थालेपछि आइसोलेसन वार्ड र क्वारेनटाइनलाई थपेर व्यवस्थित बनाउने निर्णय गरिएको छ । जिल्लामा ३४ जना सङ्क्रमित फेला परेको र तीमध्ये एकजना युवकको मृत्यु भएपछि पाँच नम्बर प्रदेशका सामाजिक विकास मन्त्री सुदर्शन बराल नेपालगञ्जमै बसेर कोरानाविरुद्धको अभियानको प्रत्यक्ष निगरानी गरिरहनुभएको छ ।

कोरोनाभाइरस महामारीमा स्वास्थ्य सङ्गठनको भूमिकाबारे विश्व मञ्चमा छलफल हुँदै

संयुक्त राज्य अमेरिका र चीनले कोरोना भाइरसको उत्पत्तिलाई लिएर एक अर्कामाथि दोषाराेपणसँगै आलोचना गरिरहँदा राष्ट्रसंघको स्वास्थ्य निकायको महासभा हुन लागेको हो ।