औषधि बन्ने कच्चा प्रदार्थ चीनबाट आउन थालेकाले अभाव हुँदैन- व्यबसायी

औषधि बन्ने कच्चा प्रदार्थ चीनबाट आउन थालेकाले औषधिको अभाव नहुने व्यबसायीहरूले बताएका छन्  । मंगलबार नेपाल चेम्बर अफ कमर्सले आयोजना गरेको कोरोना भाइरसको सन्दर्भमा आपूर्ति व्यवस्थापनमा विद्यमान स्थितिबारे अन्र्तक्रिया कार्यक्रममा बोल्दै नेपाल औषधि उत्पादक संघका पूर्वअध्यक्ष शंकर घिमिरेले अहिले औषधि बन्ने कच्चा प्रदार्थ चीनबाट आउन थालेको जानकारी दिंदै औषधिको अभाव नभएको र आगामी दिनमा पनि नहुने विश्वास व्यक्त...

कतारको लागि श्रम स्वीकृति बन्द

कतारले नेपाल सहित १४ मुलुकका नागरिकलाई प्रवेशमा रोक लगाउने निर्णय गरे सँगै नेपाल सरकारले पनि कतार जाने नेपाली कामदारको श्रम स्वीकृति बन्द गरेको छ । वैदेशिक रोजगार विभागका महानिर्देशक कुमार दहालले नेपाली कामदार कोरोनाका कारण कतारले प्रवेशका रोक लगाए पछि कामदारको श्रम स्वीकृत दिन बन्द गर्ने निर्णय गरेको गोरखापत्र अनलाईनलाई जानकारी दिनुभयो ।

मेघगर्जन र चट्याङसहित वर्षाको सम्भावना

पश्चिमी वायुको प्रभावले आज देशभर आंशिक बदली रही पहाडी भू–भागका केही स्थानमा मेघगर्जन र चट्याङसहित वर्षाको सम्भावना रहेको जल तथा मौसम पूर्वानुमान महाशाखाले जनाएको छ । पश्चिमी वायुको प्रभावले अपरान्हपछि पूर्वी तथा मध्य पहाडी भू–भागका एक–दुई स्थानमा मेघगर्जन र चट्याङसहित क्षणिक वर्षाको सम्भावना रहेको मौसमविद् मञ्जु बासीले बताउनुभयो ।

काठमाडौँका विभिन्न स्थानबाट सात बालकको उद्धार

काठमाडौँका विभिन्न स्थानबाट सात बालकको उद्धार गरिएको छ । कागेश्वरी मनोहरा नगरपालिका, स्थानीय प्रहरी, बाल उद्धार नेपाल र बाल रक्षा अभियानका स्वयंसेवकको सहकार्यमा कागेश्वरी मनोहरा नगरपालिका तथा त्यस आसपासक्षेत्रका साथै काडाघारीका होटल, फर्निचर, इटाभट्टामा कार्यरत ती बालक उद्धार गरिएका हुन् ।

चीनको ताक्लाकोटमा रहेका हुम्लावासीद्वारा उद्वारका लागि आग्रह

कामको शिलशिलामा चीनको ताक्लाकोटमा रहदै आउनु भएको हुम्लावासी व्यापारी तथा कामदारहरुले नेपालका सबै तहका सरकारसँग आफ्नो नेपालमा उद्धारका लागि आग्रह गर्नु भएको छ । चीनबाट सुरुवात भएको बिश्वलाई सन्त्रासमा फैलाई रहेको कोभिड कोरोना भाइसरको सम्भावित सर्न सक्ने जोखिमको डरले ताक्लाकोटमा रहनु भएका हुम्लाका कामदार तथा व्यावसायीहरुले उद्धारको लागि पहल गर्न आग्रह गर्नु भएको हो ।