गोरखापत्र अनलाइन
काठमाडौं, बैशाख १५ गते । च्याम्पियन्स लिग फुटबलको सेमीफाइनल रियल मड्रिड र चेलसीबीचको पहिलो लेग बराबरीमा टुंगिएको छ । पहिलो सेमीफाइनल बराबरीमा टुंगिएपछि दोस्रो लेगबाट फाइनल पुग्ने टोलिको टुंगो लाग्नेछ ।
चेलसीले घरेलु मैदान बाहिरको खेलमा महत्वपूर्ण एक गोल गर्दै खेलमा सुरुवाती अग्रता लिन सफल भयो । सुरुवातमै टिमो वेर्नरको प्रहार रियलका गोलकिपर थिबौट कौर्टिजले सहजै नियन्त्रणमा लिएपछि ऊ अग्रता लिनबाट चुक्न पुग्यो । यद्दपी १४ औं मिनेटमा क्रिश्चियन पुलिसिकले चलाखीपूर्ण फिनिश दिदै चेलसीलाई १–० को अग्रता दिलाउनुभयो ।
रियल भने खेलमा अपेक्षाकृत प्रदर्शन गर्न सकेको थिएन । तर करिम बेञ्जिमाले लामो दूरीबाट गर्नुभएको प्रहार गोलमा परिणत भएपछि रियल मड्रिडले खेलमा पुनरागमन गर्यो । दोस्रो हाफमा कुनै गोल हुन सकेन
२०८१ मंसिर ८ शनिवार
