गोरखापत्र अनलाइन
काठमाडौं, असार २ गते । युरोकप फुटबल २०२० मा फ्रान्सले जर्मनीलाई हराएको छ । समूह एफ अन्तर्गत गए राति सम्पन्न खेलमा फ्रान्सले जर्मनीलाई १–० ले हराएको हो ।
जर्मनीको हारमा उसले आफ्नै पोष्टमा गरेको गोल कारण बन्यो । म्याट्ट हयुमेल्सले २० औं मिनेटमा लुकास हर्नान्डेजको क्रसलाई आफ्नै गोलपोष्टमा तेर्स्याएपछि फ्रान्सले १–० को अग्रता लियो । यूरो कप फुटबलका दाबेदार फ्रान्स अपेक्षाकृत राम्रो टोली रहे पनि मङ्गलबार भने जर्मनीविरुद्ध उसले राम्रो प्रदर्शन दिन सकेन । पौल पोग्बाले कर्नरबाट आएको बललाई काँधको सहयोगल गोलपोष्टमा तेर्स्याउन गरेको प्रयास विफल भई क्रसबारबाट बाहिरिन पुग्यो । कायलन म्बाप्पेले भने जर्मनीले गरेको गोलको प्रयासलाई विफल तुल्याउनुभयो । म्बाप्पे र करिम बेञ्जिमाको प्रहार गोलपोष्ट छोएपनि म्याच रेफ्रीले अफसाइड दिए ।
जितसँगै फ्रान्स तीन अङ्क बटुलेर दोस्रो स्थानमा उक्लेको छ । समूह एफ मै रहेको पोर्चुगलले हङ्गेरीलाई हराएर शीर्षस्थानमा उक्लियो ।
२०८१ मंसिर ९ आईतवार
