गोरखापत्र अनलाइन
काठमाडौं, असार ८ गते । नेदरल्याण्ड्सले यूरो कप फुटबल २०२० को समूह चरणको आफ्नो अन्तिम खेलमा समेत जित निकालेको छ । तीनमध्ये तीनै खेलमा जित हात पार्दै नेदरल्याण्ड्स समूह सी को विजेता भएको छ ।
एमस्टर्डमस्थित जोहान क्रफ एरेना रङशालामा गए राति अबेर सम्पन्न खेलमा नेदरल्याण्ड्सले उत्तरी म्यासिडोनियामाथि ३–० को सहज जित हात पार्यो । नेदरल्याण्ड्सको जितमा मेम्फीस डीपे र जर्जिनियो विज्नाल्डमले गोल गर्नुभयो । डीपेले २४ औं मिनेटमा गोल गर्दै नेदरल्याण्ड्सलाई १–० को अग्रता दिलाउनुभयो ।
दोस्रो हाफमा विज्नाल्डमले सात मिनेटभित्र लगातार दुई गोल थप्दा उत्तरी म्यासिडोनिया निराश हुन पुग्यो । ५१ औं र ५८ औं मिनेटमा उहाँले दुई गोल गर्नुभयो ।
२०८१ मंसिर ९ आईतवार
