गोरखापत्र अनलाइन
काठमाडौं, असार १८ गते । फुलहमले मार्को सिल्भालाई आफ्नो प्रमुख प्रशिक्षक नियुक्त गरेको छ । ४३ वर्षीय पोर्चुगिज सिल्भाले फुलहमसँग तीन वर्षे सम्झौता गर्नुभएको छ ।
उहाँले स्कट्ट पार्करलाई बिस्थापित गर्नुभएको छ । गत् सोमबार पार्कर फुलहम छोडेर बर्नमाउथ लाग्नुभएको थियो । फुलहमका पूर्ब स्टार खेलाडी लुईस बोआ मोर्टे भने क्लबका सहायक प्रशिक्षकको रुपमा फर्किनुभएको छ । सिल्भा सन् २०१७ मा हल सिटीको ब्यवस्थापन गर्न लण्डन पुग्नुभएको थियो । लगत्तै उहाँ लिस्बन र ओलम्पियाकोसको ब्यवस्थापकीय भूमिकामा रहनुभयो ।
सिल्भाले यसअघि एभर्टन र वाटफोर्डको प्रशिक्षकको जिम्मेवारी सम्हालिसक्नुभएको छ ।
२०८१ मंसिर ९ आईतवार
