गोरखापत्र अनलाइन
काठमाडौं, असार २८ गते । इटालीका गोलकिपर जिआनलुइगी डोनारुम्मा यूरो कप फुटबल २०२० को ‘प्लेयर अफ द टुर्नामेन्ट’ घोषित हुनुभएको छ । २२ वर्षीय डोनारुम्माले यूरो कप फुटबल २०२० को फाइनलको पेनाल्टी शूट आउटमा इंग्ल्याण्डको दुई प्रहार विफल तुल्याउनुभएको थियो । जसले गर्दा इटालीले सन् १९६८ पछि पहिलो पटक यूरो कपको उपाधि जित्न सफल भयो ।
इंग्ल्याण्डका जैदन साञ्चो र बुकायो साकाको प्रहार रोक्नुभएको डोनारुम्माले इंग्ल्याण्डका दुई खेलाडीको प्रहार रोक्न सक्नुभएन । सन् १९९२ पछि ‘प्लेयर अफ द टुर्नामेन्ट’को पुरस्कार जित्नुहुने उहाँ पहिलो गोलकिपर हुनुहुन्छ । यसअघि पिटर सेमैकलले सन् १९९२ मा ‘प्लेयर अफ द टुर्नामेन्ट’ को पुरस्कार जित्नुभएको थियो ।
स्पेनका मीडफिल्डर पेड्री प्रतियोगिताको युवा खेलाडी घोषित हुनुभयो । पोर्चुगलका स्टार खेलाडी क्रिष्टियानो रोनाल्डो प्रतियोगिताका सर्बाधिक गोलकत्र्ता खेलाडी बन्नुभयो । चेक रिपब्लिकका पैट्रिक सिकले पनि रोनाल्डो जत्तिकै पाँच गोल गर्नुभएको छ । जर्मनी बिरुद्धको गोलले पोर्चुगलका रोनाल्डोलाई सर्बाधिक गोलकत्र्ताको उपाधि दिलायो ।
२०८१ मंसिर ९ आईतवार
