गोरखापत्र अनलाइन
काठमाडौं, साउन ३२ गते । लिग च्याम्पियन मच्छिन्द्र क्लबले युथ फुटबल एकेड्मी सञ्चालन गर्ने सम्झौता गरेको छ । मच्छिन्द्रले पिस प्वाइन्ट विद्यालयसँग एकेड्मी सञ्चालन गर्न छ वर्षे सम्झौता गरेको हो ।
अखिल नेपाल फुटबल संघका अनुसार दुबै पक्षले एन्फा कम्प्लेक्समा उक्त सहमति गरी सम्झौता गरेको छ । सम्झौतासँगै फुटबल एकेड्मी सञ्चालन गर्ने मच्छिन्द्र क्लब पाँचौं सामुदायिक क्लब हुन पुगेको छ । यसअघि संकटा, सातदोबाटो, न्यूरोडटिम र मनाङ्ग मस्र्याङ्गदी क्लबले समेत एकेडमी सञ्चालन गर्ने सम्झौता गरिसकेको छ । तीन वटा बिभागीय टोलि एपीएफ, नेपाली प्रहरी र त्रिभुवन आर्मीले समेत एकेड्मी सञ्चालन गर्ने सहमति यसअघि नै गरिसकेको छ ।
सात जना विद्यालयबाट र सात जना क्लबले राखेर १४ जनाले प्रशिक्षण पाउनेछन् ।
२०८१ मंसिर ९ आईतवार
