गोरखापत्र अनलाइन
काठमाडौं, भदौ ५ गते । लियोनल मेस्सी र नेयमार बिना नै पेरिस सैन्ट जर्माइन(पीएसजी)ले ब्रेस्ट विरुद्ध सहज जित हात पारेको छ । पीएसजीले ब्रेस्टलाई उसको घरेलु मैदानमा ४–२ को जित हात पारेको हो ।
एन्डर हेरेरा र क्लियन म्बाप्पेको एक एक गोलले पीएसजीलाई पहिलो हाफ सकिन तीन मिनेट बाँकी रहँदा २–० को अग्रता दिलायो । क्लियन म्बाप्पेले सिजनको आफ्नो पहिलो गोल पुरा गर्नुभयो ।
फ्रयाङ्क होनोरटले ४२ औं मिनेटमा गोल गर्दै ब्रेस्टको पुनरागमन गराउँदै खेल २–१ को स्थितिमा ल्याउनुभयो ।
७३ औं मिनेटमा इद्रिस्सा गुयाले गोल थप्दा पीएसजीले अग्रतालाई फराकिलो बनायो । तर ८५ औं मिनेटमा स्टिभ मोनीले गोल गर्दै ब्रेस्टलाई ३–२ को स्थितिमा ल्याउनुभयो । ‘सब्स्टिच्युट’ एञ्जेल डी मारियाले ९० औं मिनेटमा गोल गर्दा पीएसजीले ४–२ को जित हात पार्न सफल भयो ।
२०८१ मंसिर १० सोमवार
