गोरखापत्र अनलाइन
काठमाडौं, भदौ ६ गते । म्यान्चेष्टर सिटीले नर्विच सिटीमाथि फराकिलो जित हात पारेको छ । इंग्लीश प्रिमियर लिग अन्तगर्त गए राति अबेर सम्पन्न खेलमा म्यान्चेष्टर सिटीले नर्विचमाथि ५–० को जित हात पारेको हो ।
खेल सुरु भएको केही मिनेटमै क्रलले आफ्नै पोष्टमा गोल गर्दा सिटीले सुरुवाती अग्रता लिन सफल भयो । २२ औं मिनेटमा ज्याक ग्रिलीशले गोल थप्दै अग्रतालाई दोब्बर पार्नुभयो । ६४ औं मिनेटमा लर्पोटेले गोल गर्दा म्यान्चेष्टर सिटीले ३–० को अग्रता कायम गर्यो । रहिम स्टर्लिङले ७१ औं मिनेटमा गोल गर्दा ४–० को अग्रता बनाएको सिटीले रियाद महरेजको ८४ औं मिनेटको गोलबाट खेलमा ५–० को जित सुनिश्चित गर्यो ।
२०८१ मंसिर ९ आईतवार
