गोरखापत्र अनलाइन
काठमाडौं, भदौ ७ गते । स्पेनिस ला लिगामा रियल मड्रिडलाई लेभान्टेले बराबरीमा रोकेको छ । दुबै टोलीले समान तीन तीन गोल गरेपछि खेल ३–३ को बराबरीमा सकिएको हो ।
खेल सुरु भएको पाँचौं मिनेटमा गैरेथ बेलले गोल गर्दै रियल मड्रिडलाई १–० को अग्रता दिलाउनुभयो । दोस्रो हाफ सुरु भएको २८ सेकेण्डपछि नै रोजर मार्टिले गोल गर्दा लेभान्टेले खेलमा पुनरागमन गर्यो । ५७ औं मिनेटमा जोस क्याम्पानाको गोलबाट लेभान्टेले रियल मड्रिडमाथि २–१ को अग्रता कायम गर्यो । तर ७३ औं मिनेटमा भिभिसस जुनियरले बराबरी गोल फर्काउनुभयो । रोबर पायरले लेभान्टेलाई पुनः अग्रता दिलाउनुभयो । तर ८५ औं मिनेटमा भिनिससले आफ्नो दोस्रो गोल पूरा गर्नुका साथै खेल ३–३ को बराबरीमा ल्याउनुभयो ।
२०८१ मंसिर ९ आईतवार
