गोरखापत्र अनलाइन
काठमाडौं, भदौ ९ गते । रियल मड्रिडले क्लियन म्बाप्पेका लागि १३ करोड ७० लाख पाउन्ड मूल्य लगाएको छ । फ्रान्सेली विश्वकप विजेता म्बाप्पेले सन् २०१७ मा पेरिस सैन्ट जर्माइन(पीएसजी)मा आबद्ध हुनुभएको थियो । क्लियनलाई पीएसजीले १६ करोड ५७ लाख पाउन्ड तिरेको थियो । जुन सम्झौता सन् २०२२ को जुन महिनामा सम्पन्न हुँदैछ । पीएसजीले भने रियल मड्रिडको उक्त प्रस्ताबबारे कुनै प्रतिक्रिया जनाएको छैन ।
पेरिस सैन्ट जर्माइनका लागि क्लियनले १७४ खेलमा १३३ गोल गर्नुभएको छ । पीएसजीमा रहँदा क्लियनले तीन लिग वान र तीन फ्रेञ्च कपको उपाधि जित्नुभएको छ । आर्थिक सङ्कटको सामना गरिरहेको रियल मड्रिडले यस वर्ष बेयार्न म्युनिकबाट देविड अल्बासँग मात्रै स्थानान्तरण सम्झौता गरेको छ । पीएसजीले अगष्ट दोस्रो साता अर्जेन्टाइन फरवार्ड लियोनल मेस्सीसँग सम्झौता गरेको छ ।
२०८१ मंसिर ९ आईतवार
