गोरखापत्र अनलाइन
काठमाडौं, भदौ ११ गते । प्रिमियर लिग च्याम्पियन्स म्यान्चेष्टर सिटी च्याम्पियन्स लिगको समूह चरणमा पेरिस सैन्ट जर्माइन(पीएसजी)को सामना गर्ने भएको छ । उक्त समूहमा सिटी, पीएसजीसँगै आरबी लेप्जिग र क्लब ब्रुगेस छन् । चार वटै टोलि समूह ए मा छन् ।
च्याम्पियन्स लिगको समूह बिभाजन हुँदा विजेता चेलसी भने सिरी ए का विजेता युभेन्ट्स, जेनिट सेन्ट पिटर्सवर्ग र स्विडेनका माल्मोसँग एउटै समूहमा अटाएको छ । म्यान्चेष्टर यूनाइटेडले भने समूह चरणमा भिल्लारियल, एटलान्टा र योङ्ग बोइजसँग स्पर्धा गर्नेछ । लिभरपुल भने सबैभन्दा कठीन समूहमा परेको छ । उसले एटलेटिको मड्रिड, पोर्टो र एसी मिलानको सामना गर्नुपर्नेछ । लिभरपुल समूह बी मा छन् ।
३२ वटा टोलिलाई कुल आठ समूहमा बिभाजन गरिएको छ ।
२०८१ मंसिर ९ आईतवार
