गोरखापत्र अनलाइन
काठमाडौं, भदौ २७ गते । क्रिष्टियानो रोनाल्डोले आफ्नो पुनरागमन खेलमा म्यान्चेष्टर यूनाइटेडका लागि दुई गोल गर्नुभएको छ । प्रिमियर लिग अन्तगर्त गए राति अबेर सम्पन्न खेलमा म्यान्चेष्टर यूनाइटेडले न्यू कैसललाई हराउँदा क्रिष्टियानो रोनाल्डोले दुई गोल गर्नुभयो । ओल्ड ट्राफोर्डमा म्यान्चेष्टर यूनाइटेडका लागि उहाँले १२ वर्षपछि गोल गर्नुभएको हो ।
ओल्ड ट्राफोर्डमा सम्पन्न खेलमा रोनाल्डोले पहिलो हाफको अतिरिक्त समयमा गोल गर्दै म्यान्चेष्टर यूनाइटेडलाई १–० को अग्रता दिलाउनुभयो । तर ५६ औं मिनेटमा जाभियर म्यानक्विलोले न्यू कैसलका लागि गोल गर्दै खेल १–१ को बराबरीमा ल्याउनुभयो । रोनाल्डोले ६२ औं मिनेटमा गोल थप्दा यूनाइटेडले २–१ को अग्रता कायम गर्यो । ब्रुनो फर्नान्डेसले ८० औं मिनेटमा पौल पोग्बाको पासलाई गोलको दिशा दिनुभयो । जस्सी लङ्गार्डले अतिरिक्त समयमा गोल थप्दा म्यान्चेष्टर यूनाइटेडको न्यू कैसलमाथि ४–१ को फराकिलो जित सम्भब भयो ।
२०८१ मंसिर ९ आईतवार
