गोरखापत्र समाचारदाता
काठमाडौँ, कात्तिक १२ गते । कतार एयरवेज शहिद स्मारक ए डिभिजन लिगको पहिलो खेल नवप्रवेशी सातदोबाटो युथ क्लब र फ्रेन्ड्स क्लबबीच हुने भएको छ । अखिल नेपाल फुटबल संघ (एन्फा)ले शुक्रबार गरेको ड्र कार्यक्रमा उद्घाटन खेल दशरथ रङ्गशालामा साँझको पाँच बजे फ्लड लाइट्समा हुने जानकारी गराइयो । एन्फाले सुरुका दुई चरणको खेल तालिका सार्वजनिक गरेको हो । लिगका खेल दशरथ रङ्गशाला र एन्फा कम्लेक्समा हुनेछन् ।
एन्फालका अनुसार लिग विजेताले ट्रफीसहित ७५ लाख रुपियाँ र उपविजेताले ५० लाख रुपियाँ प्राप्त गर्नेछन् । तेस्रो स्थानमा रहने टिम २५ लाख रुपियाँको हकदार बन्नेछ । यसैगरी प्रतियोगिताको सर्वश्रैष्ठ खेलाडीलाई गोल्डेन बल, सर्वाधिक गोलकर्तालाई गोल्डेन बृुट र उत्कृष्ट गोलरक्षकलाई गोल्डेन ग्लोभ्स प्रदान गरिनेछ । घरेलु फुटबलको सबभन्दा ठूलो प्रतियोगिता कात्तिक २९ गते सुरु हुँदैछ ।
