काठमाडौँ, पुस ४ गते । शहिद स्मारक ‘ए’ डिभिजन लिग फुटबलमा हिमालयन शेर्पा क्लबले सानदार जित निकालेको छ । दशरथ रंगशालामा आइतबार भएको खेलमा शेर्पाले ब्रिगेड ब्वाईज क्लबलाई ३–१ गोलले हरायो ।
लिगमा शेर्पाको यो पहिलो जित हो । शेर्पाको जितमा मुताम्वा पिस्टोन भुनयोली, सुरेश कुमाल र मनिष थापाले गोल गर्नुभयो । ब्रिगेडका भुवन बस्नेतले सान्त्वना गोल फर्काउनुभयो । शेर्पाका मुस्ताम्वाले खेल सुरुभएको चौथो मिनेटमै खाता खोल्नुभएको थियो ।
त्यसपछि ब्रिगेडका भुवन बस्नेत ५३र्औ मिनेटमा गोल गर्दै खेललाई बराबरीमा ल्याउनुभयो । ७४औँ मिनेटमा सुरेश कुमालले गोलगर्दै शेर्पालाई पुनः अग्रता दिलाउनुभयो । दोस्रो हाफको इन्जुरी समयमा मनिष थापाले गोल गर्दै शेर्पालाई फराकिलो जित दिलाउनुभयो ।
जितसँगै शेर्पा नवौँ स्थानमा उक्लिएको छ । शेर्पाले पाँच खेलबाट पाँच नै अंक बनाएको छ । पराजित ब्रिगेड १०औँ स्थानमा झरेको छ । ब्रिगेडको पनि पाँच अंक छ ।
