काठमाडौँ, फाल्गुन ८ गते । शहिद स्मारक ‘ए’ डिभिजन लिगमा मनाङ मर्स्याङदी क्लबलाई एनआरटी क्लबको नमिठो धक्का लागेको छ । दशरथ रंगशालामा आइतबार भएको खेलमा मनाङ एनआरटीसँग १–० गोलले पराजित भयो । जितसँगै एनआरटी यसअघि दोस्रो स्थानमा रहेको मनाङलाई पछि पार्दै दोस्रो स्थानमा उक्लिएको छ ।
एनआरटीको जितमा मेसुके ओलुमोउले पहिलो हाफमा गरेको गोल नै निर्णायक बन्यो । २६औँ मिनेटमा मेसुकेले एरिक विष्टको फ्रिकिकलाई नियन्त्रणमा लिदै गोल गर्नुभएको थियो । मनाङले खेलको अन्तिमसम्म गोल फर्काएने प्रयास गरेपनि सफल भएन ।
दास्रो हाफको इन्जुरी समयमा ओलावाले आफिजको प्रहार पोलमा लागेर फर्किएपछि मनाङ हार खेप्न बाध्य भयो । जितसँगै दोस्रो स्थानमा उक्लिएको एनआरटीले १२ खेलबाट २० अंक बनाएको छ । समान २० अंक बनाएपनि मनाङ हेड टु हेडका आधारमा तेस्रो स्थानमा झरेको छ । मच्छिन्द्रले दुई खेल अगावै लिग जितिसकेको छ ।
