काठमाडौँ, फाल्गुन १० गते । आयोजक राजधानी युवा क्लबले सेभेन ए साइड मैत्रीपूर्ण फुटबलको उपाधि जितेको छ । मनमैजु स्थित एन्जल स्पोर्टस् एकेडेमीको मैदानमा मंगलबार भएकोे खेलमा राजधानीे दुबै खेल जित्दै च्याम्पियन भएको हो ।
मैत्रीपूर्णमा आयोजक सहित कलाकार टिम र नेपाल खेलकुद पत्रकार मञ्च (एनएसजेएफ) को सहभागीता रहेको थियो । राजधानीले पहिलो खेलमा कलाकार टोलीलाई ३–१ गोलले हरायो । अर्को खेलमा एनएसजेएफलाई ५–२ गोलले पराजित गरेको थियो । राजधानी युवा क्लब र एन्जल्स स्पोर्ट्स एकेडेमीले यहि फाल्गुन १३ र १४ गते सेभेन ए साइड फुटबल प्रतियोगिता आयोजना गर्दैछ ।
