काठमाडौँ, फाल्गुन १६ गते । बार्सिलोनाले स्पेनिस ला लिगा फुटबलमा सानदार जित निकालेको छ । घरेलु मैदानमा आइतबार राति भएको खेलमा बार्सिलोनाले एथलेटिक बिल्बाओलाई ४–० गोलले हरायो ।
बार्सिलोनाको जितमा पिएरे इमिरिक औवामियाङले ३७औँ, औसमाने डेम्वेलेले ७३औँ, लुक डि जोङले ९०औँ र मेम्फिस डिपाएले दोस्रो हाफको इन्जुरी समयमा गोल गर्नुभएको थियो। जितसँगै बार्सिलोना चौथो स्थानमा उक्लिएको छ । बार्सिलोना २५ खेलबाट ४५ अंक बनाएको छ । समान ४५ अंक बनाएको एट्लेटिको म्याड्रिड गोल अन्तरका आधारमा पछाडि छ।
पराजित बिल्वाओ ३७ अंक सठौँ स्थानमा छ । अर्को खेलमा दोस्रो स्थानको सेभियाले तेस्रो स्थानमा रहेको रियल बेटिसलाई २–१ गोलले हराएको छ । जितसँगै सेभियाको ५४ अंक पुगेको छ । रिाजित बेटिसको ४६ अंक छ । शीर्षस्थानमा रहेको रियल म्याड्रिडको ६० अंक छ । एजेन्सी
