गोरखापत्र अनलाइन
काठमाडौँ, वैशाख ३१ गते । नेपालगञ्ज र कपिलवस्तुमा गरी थप दुई जनामा काेराेना सङ्क्रमण पुष्टि भएको छ । योसँगै नेपालमा २१९ पुगेको स्वास्थ्य तथा जनसंख्या मन्त्रालयले जनाएकाे छ । नेपालगञ्जकाे पछिल्लो सङ्क्रमित बाँके जिल्ला, नेपालगञ्ज नपा वडा नं ८ बस्ने ३६ वर्षीय पुरुष हुनुहुन्छ । उहाँकाे धुलिखेल अस्पतालमा स्वाब परीक्षण गरिएको मन्त्रालयले जनाएको छ ।
त्यस्तै, कपिलवस्तुका एक पुरुषमा पनि कोरोना सङ्क्रमण पुष्टि भएको छ । राष्ट्रिय जनस्वास्थ्य प्रयोगशाला, टेकुमा गरिएको परीक्षणमा कपिलवस्तु जिल्ला, कपिलवस्तु नगरपालिका वडा नं ५ का २२ वर्षीय पुरुषमा सङ्क्रमण पुष्टि भएको मन्त्रालयले जनाएको छ ।
सङ्क्रमितहरूकाे स्वास्थ्य अवस्था सामान्य छ ।
