गोरखापत्र अनलाइन
काठमाडौँ, जेठ २५ गते । नेपालमा कोरोना भाइरसबाट थप २१३ सङ्क्रमित भएका छन् । योसँगै सङ्क्रमितहरूको कुल सङ्ख्या तीन हजार ४४८ पुगेको छ । थप सङ्क्रमितमा २०९ पुरूष र चार जना महिला रहेकाे स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले जानकारी दिनुभएको हो । आज दुई महिलासहित १०२ जना डिस्चार्ज हुनुभएको छ । योसँगै कुल डिस्चार्ज हुनेको सङ्ख्या ४६७ पुगेकाे छ। सङ्क्रमित जिल्ला ७१ पुगेकाे छ ।
