गोविन्द शर्मा । सिराज खान
नेपालगञ्ज, जेठ ३१ । बाँके, बर्दिया र रोल्पाका गरी ४२ जनामा शनिबार कोरोना सङ्क्रमण देखिएको छ । भेरी अस्पताल नेपालगञ्जमा गरिएको परीक्षणमा बाँकेका १९, बर्दियाका ६ र रोल्पाका १७ जना गरि ४२ जनामा कोरोना सङ्क्रमण देखिएको हो । भेरी अस्पताल नेपालगञ्जका मेडिकल सुपरिटेन्डेन्ट डा. प्रकाश थापाका अनुसार,बाँकेको राप्ती सोनारी गाउँपालिकाका १५, खजुरा गाउँपालिकाका तीन र नेपालगञ्ज उपमहानगरपालिकाका एकजनामा सङ्क्रमण देखिएको छ । यसैगरी बर्दियाको बारबर्दियाका छ र रोल्पाको सुनीलस्मृति गाउँपालिकाका १२ र बमरुक गाउँपालिकाका पाँच जनामा सङ्क्रमण देखिएको हो ।
२०८१ मंसिर १० सोमवार
