गोरखापत्र अनलाइन
काठमाडौं, चैत १ गते । नेपालमा कोरोनाभाइरसका ५३ जना सङ्क्रमित थपिएका छन् । स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा पछिल्लो चौबीस घण्टामा दुई हजार ६१५ आरटीपीसीआर परीक्षण गरिएकाे जनाएकाे छ ।
याेसँगे नेपालमा ५३ जना सङ्क्रमित थपिएसँगै नेपालमा कुल सङ्क्रमितको संख्या दुई लाख ७५ हजार २३१ पुगेको छ । यस्तै, नेपालमा ७७ जना निको भएको जनाएको छ । हालसम्म निको भएकाको संख्या दुई लाख ७१ हजार २४९ पुगेको छ । मन्त्रालयले हाल ८९१ जनामा भाइरसको सङ्क्रमण सक्रिय रहेको जनाएको छ । यस्तै आठ जना भेन्टिलेटरमा राखेर उपचार भैरहेकाे छ ।
पछिल्लो चौबीस घण्टामा काेही पनि कोरोना सङ्क्रमितको मृत्यु नभएकाे मन्त्रालयले उल्लेख गरेको छ । कोरोनाबाट नेपालमा तीन हजार १४ जनाको मृत्यु भएको हो । हाल ४७ जना क्वारेन्टिनमा छन् ।
हालसम्म २२ लाख १५ हजार ४११ जनाको आरटीपीसीआर परीक्षण गरिएको छ ।
