काठमाडौं, पुस २५ गते । पछिल्लो २४ घण्टामा ८४१ जना कोरोना भाइरसका सङ्क्रमित थपिएका छन् । आठ हजार ८४८ जनामा आरटीपीसीआर परीक्षण गरिएकोमा ८४१ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
त्यस्तै, तीन हजार ७८४ जनामा एन्टीजेन परीक्षण गरिएकोमा ३२६ जनामा कोरोना सङ्क्रमण देखिएको छ । स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९८ प्रतिशत रहेको जनाएको छ ।
पछिल्लो २४ घण्टामा २२४ जना कोरोनामुक्त भएको स्वास्थ्य मन्त्रालयले जनाएको छ । सोही अवधिमा दुई जनाको मृत्यु भएको स्वास्थ्य मन्त्रालयले जनाएको छ । नेपालमा हालसम्म कोरोनाबाट ११ हजार ६०४ जनाको मृत्यु भएको मन्त्रालयले जनाएको छ ।
यसैगरी, देशभर हालसम्म छ हजार ७५५ जना सक्रिय सङ्क्रमित रहेको स्वास्थ्य मन्त्रालयले जनाएको छ ।
