काठमाडौं, माघ २२ गते । पछिल्लो २४ घण्टामा एक हजार १०३ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पाँच हजार २२५ जनाको पीसीआर परीक्षण गर्दा एक हजार १०३ जनामा सङ्क्रमण पुष्टि भएको हो ।
सोही अवधिमा तीन हजार २८८ जनाको एन्टीजेन परीक्षण गर्दा ६११ जनामा सङ्क्रमण पुष्टि भएको छ ।
मन्त्रालयका अनुसार कुल आठ हजार ५१३ जनामा परीक्षण गर्दा पीसीआर र एन्टीजेन गरेर एक हजार ७१४ जनामा सङ्क्रमण पुष्टि भएको छ । सोही अवधिमा चार हजार ७७१ जना डिस्चार्ज भएका छन् ।
मन्त्रालयका अनुसार २४ घण्टामा नौ जनाको मृत्यु भएको छ । योसँगै मुलुकमा कोरोनाबाट मृत्यु हुनेको सङ्ख्या ११ हजार ८०३ पुगेको छ ।
पछिल्लो २४ घण्टामा मुलुकमा पाँच लाख ८८ हजार ४४० जनाले कोरोनाविरुद्धको खोप लगाएका छन् । त्यस्तै, नेपालमा हाल ५२ हजार ७८० जना सक्रिय सङ्क्रमित छन् ।
